祝：梁兄，十八里长亭到哉，倷好打转回去哉。

梁：是格。

祝：格么梁兄呀，我搭仔倷兄弟情深，分别以后倷会搭想我否？

梁：想是会想格，不过我勿是女人，就算想倷也勿会得深沉格。

祝：格么倷当我是女人好哉。

梁：勿来是格，我是正常人，勿是“queer”（酷儿）。

祝：哦，梁兄喜欢想女人，格么小弟拨倷介绍个女朋友好哉。我家有个小九妹，阿好？

梁：啊？小九妹，发育了吧？

祝：哪哼有得格种话法啦？

梁：难道勿是？倷屋里厢是超级人口大家，国家的计划生育没落实到？

祝：梁兄，我拨倷搞糊哉。

梁：我讲是倷昏头哉，倷为啥勿介绍大妹，把个小九妹塞拨我，太小了，有代沟格。

祝：啥说话！小九妹是昵称，阿晓得？就像有人昵称叫‘荷之韵’，有人叫‘冰儿’，有人叫‘竹吟风’。

梁：原来如此。格么俚标致勿标致？

祝：靓妞一个，李嘉欣都要被比脱！

梁：啊哟，我要晕倒哉。

祝：为啥？

梁：我欢喜杀哉。

祝：梁兄，倷且慢晕倒，我还有说话呒没讲完。我是拨倷牵牵线格，具体还是要倷凭自己的本事去争取格。

梁：还有附加条件？

祝：勿是，小九妹有交关多追求者，其中有马太守的公子爷马文才先生，还有怡红公子贾宝玉先生，都是人中龙凤，倷要小心。

梁：贤弟，格样子看来，我是呒没希望哉。

祝：也勿见得。我有一招，勿晓得倷要勿要学。

梁：啥招，只要能够赢得mm，就算再难学格招，我也要学会俚。

祝：格么好格。不过要为难杀仔我。

梁：啥？

祝：勿晓得倷有没听说过‘一吻倾情’格句说话？

梁：听见过格。啥，要我吻俚？可惜俚远在千里，我格张嘴巴阿伸得过去？如果遥控吻俚，俚又勿晓得是我，等俚认为是马文才或是贾宝玉，难么我死哉！

祝：格点我也想到了呀，所以要来个间接吻。

梁：啥个叫做间接吻？

祝：喏，就是我帮倷传达倷格吻。倷吻我，我再吻俚，勿是等于倷吻俚了？

梁：我晓得了。不过我怕难为情……我，我实头难为情。

祝：我都决定牺牲我格初吻了，倷还磨蹭啥。

滋……

梁：啊哟，我被触仔电了！

祝：好了，我会拨倷传达到俚心里。我跟倷就此别过。

梁：多谢贤弟，保重！

祝：啊哟！

梁：啥？

祝：倷为啥要我保重？难么我又要到电视购物处买减肥药吃了。

-全文完-