好多女人中意叫自己噶男人做“佬”，佢地闲谈之间好经常讲到我只佬如何如何…

能够比女人叫自己做“佬”噶男人应该感到幸福，因为佢地已经得到左呢个女人噶认同，亦因为呢句“佬”，男人应该更加完善自己，尽力做好作为“佬”噶本份。

有d男人，不修边幅，头发零乱，指甲捆黑边，随地吐痰，挖鼻屎如入无人之境噶，个d唔叫佬，叫核凸佬。

有d男人，望人先望个胸，中意讲咸湿笑话，肉麻当有趣，讲野专占女人便宜噶，个d唔叫佬，叫咸湿佬。

有d男人，唱k每次都只唱同一只歌，喜欢带劲粗金链，或者带超大只金戒指，仲要中间有个“发”字噶，个d唔叫佬，叫老土佬。

有d男人，成日着底衫型背心，或者夏威夷恤衫出街，有臭狐，有口气，又喜欢离你超近讲野噶，个d唔叫佬，叫麻甩佬。

有d男人，斤斤计较，讲野针锋相对，句句有骨，做事又怕死又反动噶，个d唔叫佬　，叫cheap佬。

有d男人，讲野阴声细气，姐手姐脚，油头粉面，一日用两包湿巾，熟悉各种化妆品用途，甚至讲起生仔仲熟过d姨记噶，个d唔叫佬，叫乸佬。

有d男人，开口讲只抽，埋口讲拖马，三句说话有两句半系粗口，净番个半句系标点符号噶，就算系肌肉猛男，都唔会有安全感，个d唔叫佬，叫傻佬。

有d男人……

其实，“佬”应该系男人中噶极品，因为一般黎讲，男人比女人迟熟，亦比女人更加似小朋友。作为一个男人系要经过好多噶风雨，好多噶挫折，好多噶磨练，先会成长。先至会摆脱到幼稚、自大，摆脱到自以为是，摆脱到扮成熟等等噶马甲，而成为一个有男人味、有智慧、成熟稳重、能够善用脑力而小用爆力去保护女人噶男人。呢种男人，甘先配称做“佬”。

女人对男人最基本噶要求，系佢似番个男人，点先算系个男人呢？就系“佬”，起码佢爱你，认同你系佢噶“佬”。

已经有幸成为你女人心目中噶佬噶兄弟，羡慕你......

注：“佬”一词在广东话里很常用，为便贴切地表达自己的意思，特意全文用采用广东话来写作。在烟雨几年间也见过一些广东话文章，这次我也来一篇，作为“其他文章”类别投稿，见笑了。

本文已被编辑[chen红叶]于2006-4-12　15:38:21修改过　

-全文完-